Home Local අම්පාර දිස්ත්‍රික්කයේ BOC සේවකයින් නිහඬ උද්ඝෝෂනයක

අම්පාර දිස්ත්‍රික්කයේ BOC සේවකයින් නිහඬ උද්ඝෝෂනයක

1165
0

අම්පාර දිස්ත්‍රික්කයේ ලංකා බැංකුවේ ප්‍රාදේශීය කලමණාකරුවකුගේ අත්තනෝමතික ක්‍රියා කලාපයට එරෙහිව ලංකා බැංකුවේ අම්පාර දිස්ත්‍රික්කයේ ලංකා බැංකු සේවක සංගමයේ සාමජිකයින්ගේ උද්ඝෝෂනයක් එම සංගමය විසින් අද දින සංවිධානය කර තිබුනි.

කොරෝනා වසංගතය හමුවේ අඩාල වූ ජන ජීවිත වලට සහ ව්‍යාපාර ප්‍රජාවට සහන සැලසීම උදෙසා රජය විසින් ණය පොලී අනුපාත පහල දමමින් ඉතා සාර්ථක ණය යෝජනා ගණනාවක් හදුන්වා දී ඇති අතර රාජ්‍ය බැංකු ලෙස ඒවා ප්‍රවර්ධනය කිරීමේ වගකීමක් බැංකු නිලධාරින් හට පැවරේ.

ලංකා බැංකුවේ සේවක මණ්ඩලයෙන් 95% ක්(8000) නියෝජනය කරන ලංකා බැංකු සේවක සංගමයද කලමණාකාරිත්වය සමග එක්ව රජයේ මෙමෙ ක්‍රියාවලිය ඉදිරියට ගෙන යමින් අර්ථිකයට ශක්තියක් වීමට උත්සහ දරන මොහොතක අම්පාර දිස්ත්‍රික්කයේ ප්‍රාදේශීය කලමණාකරු තම නිල බලය අනිසි ලෙස භාවිතා කරමින් මේ වනවිට සාමජිකයන් 250 ක් පමණ සිටින වෘතීය සමිතියක් ප්‍රවර්ධනය කිරීම පමණක් සිදුකරමින් පවතී.

ප්‍රාදේශීය කලමණාකරුවකු ලෙස ණය යෝජනා ක්‍රම සක්‍රීයව ක්‍රියාවට නැංවීම සඳහා විශාල වගකීමක් පැවරී ඇති නමුත් මේ වනවිට ඔහු තමාට අදාල සමහර ශාකා සදහා එක් අවස්තාවක්වත් නොගොස් ඇති බව සංගමය ප්‍රකාශ කරයි.ඔහුගේ එකම රාජකාරිය වී ඇත්තේ තමන් ප්‍රවර්ධනය කරන වෘතීය සමිතියේ සාමාජිකත්වය ලබා නොගන්නා සහ සහයෝගය නොදෙන ශාකා කලමණාකරුවන්ට සහ සේවකයින්ට රාජකාරියට බාධා කරමින් බැන වදිමින් තරජනය කරමින් හැසිරීමයි.

මෙම පුද්ගලයා අම්පාර දිස්ත්‍රික්කයෙන් ඉවත් කරන ලෙස ලංකා බැංකු සේවක සංගමය කලමණාකාරිතවයෙන් ඉල්ලීම් කල අතර වැඩ බලන මහා කලමණාකාරතුමා මෙම තත්වය අවබෝධ කරගෙන මුලින් ඔහු ඉවත් කිරීම සඳහා තීරණය කලද මේ වනතෙක් එය ක්‍රියාත්මක නොවීම හේතුවෙන් ලංකා බැංකු සේවක සංගමය වෘතීය සමිති ක්‍රියා මාර්ග වලට එලඹි බව එම සංගමයේ නිලදාරීන් ප්‍රකාශ කරයි.

කරෝනා වසංගත තත්වය හමුවේ ජනාධිපති තුමා ගෙන යන සාර්ථක වැඩපිලිවලට සහයෝගය ලබා දෙනවා වෙනුවට එම කාර්‍ය ඉටු කරනු ලබන සේවකයන්ට එරෙහිව කටයුතු කරන මෙම නිලධාරීන්ට එරෙහිව කටයුතු කිරීම කලමණාකාරිත්වයේ වගකීම බව ලංකා බැංකු සේවක සංගමය ප්‍රකාශ කරයි.

එමෙන්ම මෙම ප්‍රාදේශීය කලමණාකාරවරයා සේවක මණ්ඩලයට කරනු ලබන බලපෑම් සහ තාඩන පීඩන සම්බන්ධව තවත් තොරතුරු ගණනාවක් සංගමය සතුව පවතින අතර මොහු අම්පාර දිස්ත්‍රික්කයෙන් ඉවත් කරන තුරු නැගෙනහිර පලාත තුල අඛණ්ඩ වැඩ වර්ජනයක් දක්වා වෘතීය සමිති ක්‍රියා මාර්ග දියත් කිරීමට 2020.9.4 දින පවත්වන විධායක සභාවේදී තීන්දු තීරන ගනු ලබන බව සංගමයේ නිලධාරීන් ප්‍රකාශ කරයි.