Home Local පොහොට්ටුවේ මැරයන් පැමිණ පහරදෙන තුරු බලා සිටි ගෝල් ෆේස් භාරව සිටි DIG...

පොහොට්ටුවේ මැරයන් පැමිණ පහරදෙන තුරු බලා සිටි ගෝල් ෆේස් භාරව සිටි DIG චම්පිකට මාරුවක්

165
0

ශ්‍රී ලංකා පොදුජන පෙරමුණේ මැරයන් ගාලු මුව‍ෙදාර සාමකාමී උද්ඝෝෂණයට පහර දී ගිනි තැබීමට පෙර දින දක්වා ජනාධිපති ලේකම් කාර්යාලයේ හා ඒ අවට ආරක්‍ෂාව භාරව සිටි නියෝජ්‍ය පොලිස්පති චම්පික සිරිවර්ධන මහතා වහා ක්‍රියාත්මක වන පරිදි කෑගල්ල දිසාව භාර නියෝජ්‍ය පොලිස්පතිවරයා ලෙස මාරු කර යවා ඇතැයි වාර්තා වේ.

ඒ අනුව, වසරක කාලයක් තුළ ඔහු මෙලෙස ස්ථාන හතකට මාරුකර යැවිණි.

ඉකුත් මස 23 වන දා සිට ඉකුත් 8 වන දා දක්වා ම ගාලු මුව‍ෙදාර ජනාධිපති කාර්යාලයේ ආරක්‍ෂාව සඳහා පැය 24 පුරා ම ඒ මහතා යොදවා තිබූ අතර මෙම කාලය තුළ ඔහුට කිසිදු විවේකයක් ලබා දී නැතැයි ද වාර්තා වේ. මේ හේතුවෙන් ඒ මහතා ඉකුත් 8 වන දා රාත්‍රියේ අසනීප වී රෝහල් ගතකර ඉකුත් 13 වන දා සුවය ලබා නැවත සේවයට වාර්තා කිරීමට යෑමේදී ඔහුට නව ස්ථාන මාරුව ලැබී තිබිණි.

හයදහසකට ආසන්න පිරිසක් 9 වන දා අරලියගහ මන්දිරයට හා ගාලු මුව‍ෙදාරට පැමිණෙන බව බුද්ධි තොරතුරු වාර්තා කර තිබූ අතර ඒ බව ඒ මහතා උසස් නිලධාරීන්ට ද දැනුවත් කර තිබූ බව ද කියයි.

කෙසේ වෙතත්, අරගල භූමියට මැරයන් කඩා වැදුණු දවසේ ඒ මහතා අසනීප වී රෝහල්ගතව සිටිය ද ඉහළ බලධාරීන්ගේ වුවමනා මත සිරිවර්ධන මහතා ජනාධිපති ලේකම් කාර්යාලයේ ආරක්‍ෂාවෙන් ඉවත් කර තිබේ.

ඒ අනුව, වසරක කාලයක් තුළදී පොලිස් මූලස්ථානය, දේශපාලන පළිගැනීම් කොමිසම, ළමා හා කාන්තා කාර්යාංශය, විශේෂ ආරක්‍ෂක දිසාව, බදුල්ල දිසාව, ජනාධිපති ලේකම් කාර්යාලය සහ ඒ අවට භුමියේ ආරක්‍ෂාව භාරව ද නියෝජ්‍ය පොලිස්පතිවරයා ලෙස කටයුතු කළ චම්පික සිරිවර්ධන මහතා සිකුරාදා සිට කෑගල්ල දිසාව භාර නියෝජ්‍ය පොලිස්පතිවරයා ලෙස මාරුකර යවා ඇත.