පැවති රාජපක්ෂ පාලන සමයේ ධීවර අමාත්යවරයා ලෙස කටයුතු කළ රාජිත සේනාරත්න මහතා ඇතුළු විත්තිකරුවන් තුන් දෙනෙකුට එරෙහිව අල්ලස් හෝ දූෂණ චෝදා විමර්ශන කොමිෂන් සභාව අද (20) කොළඹ මහාධිකරණය හමුවේ අධිචෝදනා ගොනු කර තිබේ.
රාජපක්ෂ පාලනය පැවති 2014 වසරේ අගෝස්තු 01 දා සහ එම වසරේම නොවැම්බර් 01 දා අතර කාලසීමාව තුළ මෝදර ධීවර වරාය පුද්ගලික සමාගම වෙත අඩු මුදලකට බදු දීම සඳහා ධීවර වරාය
නීතිගත සංස්ථාවේ අධ්යක්ෂ මණ්ඩලය පෙළඹවීම තුළින් රජයට පාඩු සිදුකිරීම සම්බන්ධයෙන් චෝදනා කරමින් එවක ධීවර අමාත්ය ලෙස කටයුතු කළ රාජිත සේනාරත්න ඇතුළු විත්තිකරුවන් තිදෙනාට එරෙහිව චෝදනා පහක් යටතේ අල්ලස් කොමිසම මෙම අධිචෝදනා පත්රය ගොනු කර ඇත.
එම නඩුවේ සෙසු විත්තිකරුවන් ලෙස ධීවර වරාය නීතිගත සංස්ථාවේ හිටපු සභාපති උපාලි ලියනගේ සහ එහි කළමනාකාර අධ්යක්ෂ නිල් රවීන්ද්ර මුණසිංහ යන අය නම් කර තිබේ.
