යාපනය,නාගර්කෝවිල්,මුරුගන් කෝවිලේ වාර්ෂික මංගල්‍යය වෙනුවෙන් පෙරේදා (24 වැනිදා) පැවැති වෙන්දේසියේදී අඹ ගෙඩියක් රුපියල් ලක්ෂ හතකට අලෙවි වූ බව ප්‍රදේශවාසීහු පවසති.
සතියක් පුරා පැවැත්වෙන මෙම වාර්ෂික මංගල්‍යයේ අවසන් දින මෙම අඹගෙඩිය එලෙස අලෙවි වී තිබේ. යාපනය, නාගර්කෝවිල්හි පදිංචි පුද්ගලයකු විසින් කෝවිලට වූ බාරයක් ඔප්පු කිරීම සඳහා අඹගෙඩිය මිලට ගෙන තිබිණ.
කෝවිල් පාලක සභාව පැවසූවේ වෙන්දේසියෙන් ලද මුදල කෝවිල සංවර්ධනය වෙනුවෙන් යොදා ගන්නා බවයි.
