33
ශ්‍රී ලංකා අවුරුදු 19න් පහළ කාන්තා ක්‍රිකට් කණ්ඩායම ඔස්ට්‍රේලියාවේ පැවැත්වෙන තුන්කොන් ක්‍රිකට් තරගාවලියකට සහභාගීවීම උදෙසා ශ්‍රී ලංකාවෙන් පිටත්ව ගියේය.
ශ්‍රී ලංකාව, ඔස්ට්‍රේලියාව සහ නවසීලන්තයේ අවුරුදු 19න් පහළ කාන්තා කණ්ඩායම්වල සහභාගිත්වයෙන් පැවැත්වෙන අතර, එය විස්සයි20 සහ එක්දින තරගාවලි දෙකකින් සමන්විත වේ. විස්සයි20 තරගාවලිය මේ 20 වැනිදා ආරම්භවන අතර, එක්දින තරගාවලිය 30 වැනිදා සිට පැවැත්වේ.
මනුදි නානායක්කාර (නායිකා), රශ්මිකා සෙව්වන්දි, සුමුදු නිසංසලා, සංජනා කාවින්දි, විමෝක්ෂා බාලසූරිය, රශ්මි නේත්‍රාංජලී, එරංදි හංසමාලි, ප්‍රමුදි මෙත්සරා, හිරුණි හංසිකා, චමෝදි ප්‍රබෝධා, දැහැමි සනෙත්මා, අශේනි තලගුණේ, ශෙහාරා ඉදුවරී, දනුලි තෙන්නකෝන්, නෙතඟි ඉසුරාංජලී, ලිමංසා තිලකරත්න පිටත්ව ගිය කණ්ඩායමට අයත් වූහ.
