18
ශ්‍රී ලංකා ක්‍රිකට් ආයතනයේ අනුග්‍රහය ඇතිව ශ්‍රී ලංකා පාසල් ක්‍රිකට් සංගමය විසින් සංවිධාන කරන අවුරුදු 19න් පහළ අන්තර් පාසල් දෙදින ක්‍රිකට් තරගාවලියේ පළමු ද්විත්ව ශතකය රැස් කිරීමට හලාවත සාන්ත මරියා විදුහලේ නායක සතිෂ්ක රුක්ෂාන් සමත් විය.
හලාවත ආනන්ද ජාතික පාසල සමඟ තරගයේදී දකුණත් පිතිකරු සතිෂ්ක රුක්ෂාන් පන්දු 171කදී හතරේ පහර 27ක් සහ හයේ පහර 8ක් සමඟ රැස් කළ ලකුණු සංඛ්‍යාව 207කි.
මේ තරගවලදී කෝට්ටේ ආනන්ද ශාස්ත්‍රාලය, කැලණිය ශ්‍රී ධර්මාලෝක සහ මාදම්පා මධ්‍ය මහා විද්‍යාලය යන කණ්ඩායම් නුගේගොඩ ලයිසියම්, පානදුර සාන්ත ජෝන් සහ බළපිටිය සිද්ධාර්ථ මධ්‍ය මහා විදුහලට එරෙහිව පූර්ණ ජය වාර්තා කළේය. කෝට්ටේ ආනන්ද ශාස්ත්‍රාලයේ සදෙව් ඉන්දීප නුගේගොඩ ලයිසියම් ජාත්‍යන්තර පාසලට එරෙහිව තුන් ඉරියව් දස්කම් දැක්වීය.
හලාවත සාන්ත මරියා විදුහලට පළමු ඉනිමේ ජය
සා. මරියා පළමු ඉනිම – 374 (ඕවර 92.1) සතිෂ්ක රුක්ෂාන් 207, නඳුන් ශානිත 43, අශේන් අල්විස් 34 (ටිරල් දියාන් 98/4, අෆ්රාස් සාහිබ් 68/3, ඕෂධ දිනෙත් 5/2) සහ දෙවැනි ඉනිම – 208/6 (ඕවර 48)
සතිෂ්ක රුක්ෂාන් 64, කවිඳු මලිෂ්ක 51, ටිෂාන් රන්දිනු 32 (තරුන් ලොකුගමගේ 31/2, යොහාන් කොබ්බෑකඩුව 45/2)
ආනන්ද ජාතික පාසල් පළමු ඉනිම – 130 (ඕවර 51.4) උෂාන් ප්‍රනාන්දු 39, කෞශාන් වික්‍රමනායක 26, පසිඳු ධනංජය 22 (මිරොන් රෂ්මික 25/5, සමිත ධනංජය 9/3, අශේන් අල්විස් 17/2) සහ දෙවැනි ඉනිම – 81/4 (ඕවර 15) යොහාන් කොබ්බෑකඩුව 31, රවිඳු කාරියවසම් 23 (සමිත ධනංජය 13/2)
කෝට්ටේ ආනන්ද ශාස්ත්‍රාලයට කඩුලු 7ක ජයක්
ආනන්ද ශාස්ත්‍රාල පළමු ඉනිම – 180 (ඕවර 60) සදෙව් ඉන්දීප 53, යොහාන් ලක්ෂිත 32, චතුර සිල්වා 25 (අභිලාෂ් ශෂිධර්ම 13/3, සේතික බාලසූරිය 20/3) සහ දෙවැනි ඉනිම – 20/3 (පන්දුවාර 5.5)
නුගේගොඩ ලයිසියම් පළමු ඉනිම – 80 (ඕවර 38.2) (භානුජ ජයමාන්න 9/3, සදෙව් ඉන්දීප 19/3, සෙයියදු අතීෆ් 24/3) සහ දෙවැනි ඉනිම – 117 (ඕවර 45.1) රාහුල් හෙට්ටිආරච්චි නොදැවී 22 (සදෙව් ඉන්දීප 31/5, නිතිෂ් කමලසූරිය 10/2)
කැලණිය ශ්‍රී ධර්මාලෝක විදුහලට කඩුලු 8ක ජයක්
පානදුර සා. ජෝන් පළමු ඉනිම – 117 (ඕවර 35) දෙනෙත් පීරිස් 64 (සතිඳු ප්‍රබෝධ 24/4, තිෂාන් නිපුන් 51/3) සහ දෙවැනි ඉනිම – 139 (ඕවර 42.3) හිමාෂ් ආදිත්‍ය නොදැවී 51, ගීත්ම ප්‍රනාන්දු 42 (සතිඳු ප්‍රබෝධ 35/4, තෙමිර මිකාෂණ 49/4)
ධර්මාලෝක පළමු ඉනිම – 204 (ඕවර 76.3) ලක්වාන් හෂෙල් 44, ඔමාල් විහඟ 37, මෙවන් රන්දීපන 30, කවීන් දෙනෙත් 28, හරිඳු මහිසර 21 (ළසිඳු බණ්ඩාර 36/4, දසුන් ප්‍රනාන්දු 74/3 සහ දෙවැනි ඉනිම – 56/2) (ඕවර 18.3) තෙමිර මිකාෂණ නොදැවී 44
මාදම්පා මධ්‍ය මහ
විදුහලට කඩුලු 7ක ජයක්
බලපිටිය සිද්ධාර්ථ පළමු ඉනිම – 80 (ඕවර 28.2) ජැක් ශාක්‍ය 32 (කවික මධුෂාන් 13/4, සහස් අනුපම 4/2) සහ දෙවැනි ඉනිම – 66 (ඕවර 33) වතික සුපේෂල 25 (කවික මධුෂාන් 16/5, සුමේධ සම්පත් 13/3, තිලේෂ නෙතුම් 20/2)
මාදම්පා පළමු ඉනිම – 78 (ඕවර 32.2) උමේෂ ද සිල්වා 24 (නිරෝෂ නිම්සර 28/2) සහ දෙවැනි ඉනිම – 69/3 (ඕවර 18.4) උමේෂ් ද සිල්වා 25, සුමේධ සම්පත් නොදැවී 24 (නිරෝෂ් නිම්සර 18/2)
ඉෂානි යද්දෙහි
