17
සම ශූරතා කුසලානය ආනන්ද විදුහලේ අසෝක හා පරාක්‍රම නිවාස නායකයන් විසින් සෑම් චන්ද්‍රසිංහ මහතා අතින් ලබාගත් අවස්ථාව.
පාසල් සිසුන්ගේ පාපන්දු ක්‍රීඩා කෞශල්‍යය නැංවීමේ අරමුණින්, එංගලන්තයේ ව්‍යාපාරිකයකු වන කීර්තිමත් ආදි ආනන්දීය සෑම් චන්ද්‍රසිංහ මහතාගේ ධන පරිත්‍යාගයෙන් ආනන්ද විද්‍යාලීය අන්තර් නිවාස සෑම් චන්ද්‍රසිංහ අභියෝග ශූරතා කුසලාන තරගාවලිය පසුගියදා ආනන්ද විද්‍යාලීය රාජගිරිය ක්‍රීඩාංගණයේදී පැවැත්විණ.
වයස් කාණ්ඩ 5ක් යටතේ පැවැති මේ තරගාවලියට සිසුන් 250කට අධික පිරිසක් සහභාගි වූ අතර, සෑම ශිෂ්‍යයකු සඳහාම පදක්කමක් සහ සහතික පත්‍රයක් පිරිනැමීමට කටයුතු යොදා තිබිණි.
සෑම් චන්ද්‍රසිංහ මහතාගේ ප්‍රධානත්වයෙන් පැවැති එම තරගාවලියේ සම ශූරතා අසෝක නිවාසය හා පරාක්‍රම නිවාසය විසින් දිනා ගත්තේය. ආනන්ද විද්‍යාලයේ විදුහල්පති ලාල් දිසානායක, ආදි ආනන්දීය පාපන්දු සංගමයේ සභාපති තිලක් ද සිල්වා මහත්වරු සහ පාපන්දු භාර ආචාරිනි සන්දීපනී කුමාරිගංගොඩ මහත්මියද මේ අවස්ථාවට සහභාගි වූහ.
