6
කොළඹ හමීඩ් අල් හුසේනි විද්‍යාලයේ G03 කණ්ඩායම විසින් දෙවැනි වරට සංවිධානය කළ සත් සාමාජික ගෘහස්ථ ක්‍රිකට් තරගාවලියේ ශූරතාව දිනා ගැනීමට කලම්බු යූත් කණ්ඩායම සමත් විය. පසුගියදා බොරලැස්ගමුවේ ක්ලබ් ෆියුෂන් හී පැවැති මේ තරගාවලියේ අවසන් තරගයේදී ගේම් චේන්ජර්ස් පිල කඩුලු 3කින් පරාජය කරමින් කලම්බු යූත් එම ජයග්‍රහණයට හිමිකම් කීවේය. කලම්බු යූත් පිලේ නායක රෆීක් තරගාවලියේ වටිනාම ක්‍රීඩකයා සම්මානය දිනා ගත් අතර, ටීම් ස්පාර්ටන් පිලේ නිස්රාන් හොඳම පිතිකරු ලෙසත්, කලම්බු යූත් පිලේ සම්රි හොඳම පන්දු යවන්නා ලෙසත් සම්මාන දිනාගත්හ.
කොළඹ හමීඩ් අල් හුසේනි විද්‍යාලයේ ආදී සිසුන් 224 දෙනකුගෙන් සමන්විත වූ කණ්ඩායම් 28ක් තරගාවලියට සහභාගි වූ අතර, එම විදුහලේ විදුහල්පති මොහොමඩ් රිස්කිසහ අසාම් අමීන් මහත්වරු ප්‍රධාන ආරාධිතයෝ ලෙස සහභාගි වූහ.
