15
සංචාරක ශ්‍රී ලංකා කාන්තා ක්‍රිකට් කණ්ඩායම සමඟ පැවති තරග 3කින් සමන්විත එක්දින ක්‍රිකට් තරගාවලිය 2-0ක් ලෙස ජය ගැනීමට සත්කාරක නවසීලන්ත ක්‍රීඩිකාවෝ ඊයේ සමත් වූහ. සැක්ස්ටන් ඕවල් ක්‍රීඩාංගණයේදී පැවති තෙවැනි තරගයේදී නවසීලන්ත ක්‍රීඩිකාවෝ ලකුණු 98ක ජයග්‍රහණයක් වාර්තා කළහ. පළමුව පන්දුවට පහර දුන් නවසීලන්ත ක්‍රීඩිකාවෝ කඩුලු 6ක් දැවී ලකුණු 280ක් ලබාගත් අතර, ශ්‍රී ලංකා ක්‍රීඩිකාවෝ ලකුණු 182කට දැවී ගියහ.
විශ්මි ගුණරත්න, චමරි අතපත්තු හා හර්ෂිතා සමරවික්‍රම යන පිතිකාරිනියන් තිදෙනා ලකුණු 23ක් වෙද්දී ක්‍රීඩාගාරයට ගිය අතර, කවීෂා දිල්හාරි හා නිලක්ෂි ද සිල්වා ලකුණු 45 බැගින් රැස් කළහ.
නවසීලන්ත ආරම්භක පිතිකාරිනියන් වූ ජෝජියා පිල්මියර් ලකුණු 112ක් හා සුසී බේට්ස් ලකුණු 53 ලබාගත් අතර, සුගන්ධිකා කුමාරි ලකුණු 70කට කඩුලු 3ක් බිඳහෙළීය.
නවසීලන්ත කාන්තා ක්‍රිකට් කණ්ඩායම කඩුලු 6ක් දැවී ලකුණු 280 (ඕවර 50) ජෝජියා පිලිමර් 112, සුසී බේට්ස් 53 (සුගන්ධිකා කුමාරි 70/3)
ශ්‍රී ලංකා කාන්තා ක්‍රිකට් කණ්ඩායම සියලු දෙනා දැවී ලකුණු 182 (ඕවර 50) කවීෂා දිල්හාරි 45, නිලක්ෂිකා සිල්වා 45, අනුෂ්කා සංජීවනී 23 (ජෙස් කර්ර් 22/3, ෆ්‍රාන් ජෝන්ස් 40/3, ඉඩින් කාර්සන් 29/2)
