යේමනයේ හවුති කැරලිකරුවන් ඉලක්ක කරමින් අමෙරිකාවෙන් දරුණු ගුවන් ප්‍රහාරයක් එල්ල කර ඇතැයි විදෙස් මාධ්‍ය වාර්තා කරයි. අමෙරිකාවෙන් ගුවන් ප්‍රහාරයක් එල්ල වී ඇත්තේ ගාසා තීරයට අඛණ්ඩව විදුලිය විසන්ධි කිරීමට ඊශ්‍රායලය කටයුතු කිරීම හේතුවෙන් රතු මුහුදේ යාත්‍රා කරන ඊශ්‍රායලයට සම්බන්ධ නෞකාවලට නැවත ප්‍රහාර එල්ල කරන බවට තර්ජනය කිරීම හේතුවෙන් බව විදෙස් මාධ්‍ය වැඩිදුරටත් වාර්තා කරයි. අමෙරිකානු ජනාධිපති ඩොනල්ඩ් ට්‍රම්ප්ගේ උපදෙස් මත එල්ල වී ඇති එම ගුවන් ප්‍රහාරවලින් යේමනයේ කාන්තාවන් සහ දරුවන් ඇතුළුව 31 දෙනකු ජීවිතක්ෂයට පත්වී ඇතැයි ද, තවත් පුද්ගලයන් 101 දෙනකු තුවාල ලබා ඇතැයි ද විදෙස් මාධ්‍ය සඳහන් කරයි.
ඉරානයේ මූල්‍ය සහාය ලැබෙන හවුති මැරයන් අමෙරිකානු ගුවන්යානාවලට මිසයිල එල්ල කළා. ඔවුන් අපේ හමුදාව සහ මිත්‍ර හමුදා ඉලක්ක කරමින් ප්‍රහාර එල්ල කළා.‘ අමෙරිකානු ගුවන් ප්‍රහාරයෙන් පසු ඩොනල්ඩ් ට්‍රම්ප් සමාජ මාධ්‍යජාලයේ එසේ සටහන් කර ඇතැයි ද වාර්තා වේ.
The post හවුති කැරලිකරුවන්ට අමෙරිකාවෙන් ගුවන් ප්‍රහාරයක් appeared first on දිනමිණ.
