දකුණු අමෙරිකානු රටක් වන හොන්ඩරස් රාජ්‍යයට අයත් ගුවන් යානයක් මගීන් 14 දෙනකු සහ කාර්ය මණ්ඩලයේ තිදෙනකු සමඟ මුහුදට කඩා වැටී පුද්ගලයන් 12 දෙනකු ජීවිතක්ෂයට පත්වූ බව විදෙස් මාධ්‍ය වාර්තා කරයි. මිය ගිය අය අතර එරට ජනප්‍රිය ගායකයකු වන ඔරේලියෝ මාටිනන්ස් ද සිටි බව වාර්තා වේ. පෙරේදා රාත්‍රියේ රෝටන් දූපතේ සිට ලා සෙයිබා ගුවන්තොටුපොළ දක්වා ගමන් ආරම්භ කිරීමත් සමඟ එම ගුවන් යානා අනතුර සිදුවී ඇති අතර, එරට ගිනි නිවන ඒකකය සහ වෙරළාරක්ෂක බළකාය එක්ව සිදු කළ මෙහෙයුමකින් කාර්ය මණ්ඩලයේ සාමාජිකයකුගේ ඇතුළු මළ සිරුර 12ක් සොයා ගෙන ඇතැයි විදෙස් මාධ්‍ය වැඩිදුරටත් වාර්තා කරයි. මුහුදට කඩා වැටුණු ගුවන් යානයේ සිටි සෙසු මගීන් 5 දෙනා බේරා ගැනීමට මෙහෙයුම් කණ්ඩායම් සමත් වූ බව ද වාර්තා වේ. අනතුරට හේතුව තාක්ෂණික ගැටලුවක් බව මූලික විමර්ශනයේදී හෙළි වී තිබේ.
The post හොන්ඩරස් දේශයේ ගුවන් අනතුරකින් 12ක් මරුට appeared first on දිනමිණ.
