සුපිරි හොලිවුඩ් නළුවෙකු වන වැල් කිල්මර්(Val Kilmer) අභාවප්‍රාප්තවේ.
65 හැවිරිදි කිල්මර් අඟහරුවාදා ලොස් ඇන්ජලීස්හිදී නියුමෝනියාවෙන් මියගිය බව ඔහුගේ දියණිය මර්සිඩීස් එක්සත් ජනපද ජනමාධ්‍යයට පවසා තිබුණි.
1959 දෙසැම්බර් 31 වන දින වැල් එඩ්වඩ් කිල්මර් ලෙස උපත ලැබූ කිල්මර්, ලොස් ඇන්ජලීස් හි මධ්‍යම පාන්තික පවුලක හැදී වැඩුණු අයෙකි.
Top Gun සහ Batman Forever, තුළින් ඔහු රසිකයින් අතර ජනප්‍රිය චරිතයක් බවට පත්විය.
ඔහුගේ දියණිය මර්සිඩීස් කිල්මර් පවසා සිටියේ කිල්මර්ට 2014 දී උගුරේ පිළිකාවක් ඇති බව හඳුනාගෙන පසුව සුවය ලැබූ බවයි.
වයස අවුරුදු 17 දී, ඔහු ලොව වඩාත්ම කීර්තිමත් නාට්‍ය සංරක්ෂණාගාර වලින් එකක් වන නිව්යෝර්ක්හි ජුලියර්ඩ් පාසලට ඇතුළත් වූයේ එවකට ඊට ඇතුලත් වූ ලාබාලතම ශිෂ්‍යයා බවට පත්වෙමිනි.
කිල්මර් 2022 වසරේදී තිරගත වූ Top Gun: Maverick චිත්‍රපටයේ Tom Cruise සමඟ ප්‍රහාරක නියමු Iceman ලෙස ඔහුගේ චරිතය නැවත රඟපෑවේය.
The post බැට්මෑන් මියයයි appeared first on දිනමිණ.
