යෝජිත 22 වන ආණ්ඩුක්රම ව්යවස්ථා සංශෝධනයට විරුද්ධ වීමට රජයේ වෛද්ය නිලධාරීන්ගේ සංගමය (GMOA) අද (30) තීරණය කළේය. අධිකරණයේ ස්වාධීනත්වය සහ අපක්ෂපාතීත්වය සුරක්ෂිත කිරීම වෙනුවෙන් පෙනී සිටීම මෙම තීරණයට මූලික හේතුව වී තිබේ.
එම සංගමයේ ප්රකාශකයෙකු සඳහන් කළේ, අධිකරණ පද්ධතියේ ස්වාධීනත්වය රැකගැනීම උදෙසා ඕනෑම අභියෝගයකට මුහුණ දීමට සිය සංගමය සූදානම් බවයි.
රජයේ වෛද්ය නිලධාරීන්ගේ සංගමයේ මධ්යම කාරක සභාව රැස්වී මෙම තීරණය ඒකමතිකව ගෙන ඇත.
මෙම අරමුණ සාක්ෂාත් කර ගැනීම සඳහා ඉදිරියේදී රජයේ නීතිඥ සංගමය සමඟ එක්ව කටයුතු කිරීමටද සිය සංගමය අපේක්ෂා කරන බව එම ප්රකාශකයා වැඩිදුරටත් අවධාරණය කළේය.
