නීතිපති උපදෙස් සහ ඒකාබද්ධ විමර්ශනයක් අනුව එයාර්බස් ගනුදෙනුවට අදාළව අල්ලස් ලබා ගැනීමේ චෝදනාව මත අල්ලස් හෝ දූෂණ චෝදනා විමර්ශන කොමිෂන් සභාව මගින් අත්අඩංගුවට ගත් නාමල් රාජපක්ෂ මන්ත්රීවරයා, කොළඹ ප්රධාන මහේස්ත්රාත් අධිකරණය මගින් සැප්තැම්බර් 18 වැනිදා දක්වා රක්ෂිත බන්ධනාගාරගත කර සිටිනවා.
නීතිපතිවරයාගේ උපදෙස් මත අතිරේක සොලිසිටර් ජනරාල් දිලීප පීරිස්ගේ උපදෙස් පරිදි අපරාධ පරීක්ෂණ දෙපාර්තමේන්තුව විසින් අධිකරණයට ඉදිරිපත් කළ මෝසමකට අනුව, මුදල් විශුද්ධිකරණය වැළැක්වීමේ පනත යටතේ කොටුව මහෙස්ත්රාත් අධිකරණය හමුවේ පවතින නඩුවට ද ඔහුව සැකකරුවෙකු ලෙස ඇතුළත් කර තිබෙනවා.
ඒ අනුව, දැනට රක්ෂිත බන්ධනාගාරගතව පසුවන නාමල් රාජපක්ෂ මන්ත්රීවරයා සැප්තැම්බර් 16 වැනිදා කොළඹ කොටුව මහේස්ත්රාත් අධිකරණය හමුවට ඉදිරිපත් කරන ලෙස කොටුව මහේස්ත්රාත් පසන් අමරසේන මහතා අද (14) නියෝග කළා.
