ඉදිරි දේශපාලන තත්ත්වයන්ට මුහුණ දීම සඳහා සමගි ජන බලවේගය (SJB) සහ එක්සත් ජාතික පක්ෂයේ (UNP) දෙවන හා තුන්වන පෙළ නායකයින් එක්ව විශේෂ සාකච්ඡා පෙළක් ආරම්භ කර ඇති බව වාර්තා වේ. පවතින දේශපාලන ප්රවාහය තුළ විපක්ෂයේ ඉදිරි ගමන උදෙසා නව නායකත්වයක් ගොඩනැගීම හෝ තෝරා ගැනීම මෙම සාකච්ඡාවල ප්රධාන අරමුණ වී තිබේ.
ආචාර්ය හර්ෂ ද සිල්වා සහ ග්රාමීය ජනප්රියතාව පිළිබඳ සංවාදය
සජිත් ප්රේමදාස මහතාගෙන් පසුව පක්ෂ අභ්යන්තරයේ සහ නාගරික තලයේ පවතින ජනප්රියතාව මත ආචාර්ය හර්ෂ ද සිල්වා මහතාගේ නම ප්රධාන වශයෙන් සාකච්ඡාවට ලක්ව තිබේ.
කෙසේ වෙතත්, ග්රාමීය මට්ටමේ ඡන්දදායකයින් අතර ඔහුගේ පවතින ජනප්රියතාවය සහ නායකත්ව ප්රතිරූපය පිළිබඳව මෙම දෙවන හා තුන්වන පෙළ කණ්ඩායම් අතර යම් යම් සංවාදයන් නිර්මාණය වී ඇති බව පැවසෙයි.
මාධ්ය ප්රධානියාගේ ආගමනයමීට අමතරව, මෙරට ප්රමුඛ සහ ජනප්රිය මාධ්ය නාලිකාවක ප්රධානියෙකුගේ නමද මෙම නව නායකත්ව සමීකරණය සඳහා යෝජනා වී තිබේ.
අදාළ මාධ්ය ප්රධානියා මේ වන විටත් සිය පෞද්ගලික මාධ්ය ජාලය උපයෝගී කරගනිමින් සිය ප්රචාරණ කටයුතු සහ ප්රතිරූපය ගොඩනැගීමේ මෙහෙයුම ආරම්භ කර ඇති බව අභ්යන්තර ආරංචි මාර්ග තහවුරු කරයි.
මේ පුවත තව අයට බලන්න
