අධිකරණ තීන්දුවක් අනුව බන්ධනාගාරගත කර සිටින පූජ්‍ය ගලගොඩඅත්තේ ඥානසාර හිමියන්ට ගිහි ඇඳුම් අන්දවා අධිකරණය හමුවට ඉදිරිපත් කිරීමේ සිදුවීම සම්බන්ධයෙන්, ත්‍රෛනිකායික මහානායක ස්වාමීන්ද්‍රයන් වහන්සේලා නියෝජනය කරන මහා සංඝරත්නය සහ ජනාධිපති අනුර කුමාර දිසානායක මහතා අතර විශේෂ සාකච්ඡාවක් අද (08) පැවැත්වීමට කටයුතු යොදා තිබේ.
මෙම විශේෂ සාකච්ඡාව අද පස්වරු 1.00 ට ජනාධිපති ලේකම් කාර්යාලයේදී පැවැත්වීමට නියමිත බව රජයේ ප්‍රවෘත්ති අධ්‍යක්ෂ ජනරාල් එච්.එස්.කේ.ජේ. බණ්ඩාර මහතා සියලු මාධ්‍ය ආයතන ප්‍රධානීන් වෙත නිවේදනයක් නිකුත් කරමින් මේ බව තහවුරු කර ඇත.
ඥානසාර හිමියන් එලෙස ගිහි වස්ත්‍ර සහිතව අධිකරණයට ඉදිරිපත් කිරීම බෞද්ධ සම්ප්‍රදායට මෙන්ම ශාසනික විනය නීතිවලට පටහැනි බව පෙන්වා දෙමින්, ත්‍රෛනිකායික මහානායක ස්වාමීන්ද්‍රයන් වහන්සේලා විසින් මීට පෙර බන්ධනාගාර කොමසාරිස් ජනරාල්වරයා වෙත විරෝධතාව පළ කරමින් විශේෂ ලිපියක් යොමු කර තිබිණි. එම කරුණ මුල් කරගනිමින් මහා සංඝරත්නය සහ ජනාධිපතිවරයා අතර මෙම හමුව පැවැත්වේ.
මේ පුවත තව අයට බලන්න
