15
සමස්ත ලංකා කඹ අදින්නන්ගේ සංගමය විසින් සංවිධාන කරනු ලබූ නිට්ටඹුව උඩගහවල්පොල මහ විදුහලේ ඉකුත් 16 වැනි දින පැවැති සමස්ත ලංකා පාසල් දරු දැරියන්ගේ කඹ ඇදීමේ තරගාවලියේදී පාදුක්ක බෝපෙ රාජසිංහ මධ්‍ය විද්‍යාලයීය කඹ ඇදීමේ කාන්තා පිල සහ පිරිමි පිල සූරතාව සහ අනු ශුරතාව දිනාගැනීමට සමත්විය.
බර කිලෝග්රෑම් හාරසිය පනහේ බර පන්තියෙන් පැවැති මෙම තරගාවලියට පාසල් දරු දැරියන්ගේ කණ්ඩායම් හතලිස් පහකට ආසන්න සංඛ්‍යාවක් තරග වැදුනි. මෙම දරු දැරියන් පුහුණු කිරීමේදී ක්‍රීඩා ගුරු ප්‍රසාද් නයනජිත් මහතාගේ සහ නදීෂානි කෞෂල්‍යා මහත්මියගේ මෙහෙය වීමෙන් ගුවන් හමුදා පුහුණුකරු තරිදු රුක්ෂාන් මහතා කටයුතු කර ඇත. එම තරගාවලියේදී රාජසිංහ මධ්‍ය මහා විද්‍යාලයේ කඹ ඇදීමේ කණ්ඩායම ශූරතාව දැරියන් විසින් දිනාගත් අතර අනු ශුරතාව පිරිමි කණ්ඩායම දිනාගැනීමට සමත්වූහ.
මෙලෙස පාසලට ජයග්‍රාහී කීර්තියක් අත්කර දුන් දරුවන් ඇගයීමේ සහ ඔවුන්ට හරසර පිදීමේ උත්සවයක් එම විදුහලේදී 19දා සවස විදුහල්පති ජේ.ඩී.කුමාර මහතාගේ උපදෙස් හා මඟ පෙන්වීම යටතේ ගුරු දෙගුරුන්ගේ හා ප්‍රදේශවාසීන්ගේ එකමුතුවෙන් සිදු කරන ලදී.
හංවැල්ල සමූහ අජිත් හේවසිංහ
