25
සිවිල් යුද ගැටුම් පවතින සුඩානයේ පසුගිය වසර ඇතුළත ළමා අපයෝජන සහ දූෂණ සිදුවීම් 221ක් වාර්තා වූ බව එක්සත් ජාතීන්ගේ ළමා ඒජන්සිය වන යුනිසෙෆ් සංවිධානය ප්‍රකාශ කර ඇතැයි විදෙස් මාධ්‍ය සඳහන් කරයි. වසර දෙකකට වැඩි කාලයක් පුරා ඇදී යන සුඩානයේ සිවිල් යුද ගැටුම් අතරතුර මාස 12ක බිළිඳියක ද දූෂණයට ලක්වී ඇතැයි යුනිසෙෆ් සංවිධානය වැඩිදුරටත් ප්‍රකාශ කළ බව විදෙස් මාධ්‍ය වාර්තා කරයි.
ආයුධ සන්නද්ධ පුද්ගලයන් විසින් ගැහැනු දරුවන් පමණක් නොව පිරිමි දරුවන් ද අපයෝජනයට ලක් කර ඇති බවත්, පසුගිය වසරේ වාර්තා වූ එවැනි සිදුවිම් 16කටම ගොදුරුවී ඇත්තේ අවුරුදු 5ට වඩා අඩු වයසේ පසුවන දරුවන් බවත් යුනිසෙෆ් සංවිධානය අනාවරණය කර තිබේ.
