ඉරාන ජනාධිපති මසූඩ් පෙසෙෂ්කියන්ගේ පරිපාලනයට සමීප ආරංචි මාර්ග උපුටා දක්වමින් එම වාර්තා පෙන්වා දෙන්නේ කමේනිගේ සෞඛ්ය තත්ත්වය “අතිශය බරපතළ” මට්ටමක පවතින බවයි. ඇතැම් ආරංචි මාර්ග පවසන්නේ ඔහුගේ මරණය පිළිබඳ පුවතක් ඕනෑම මොහොතක බලාපොරොත්තු විය හැකි බවයි.
2026 පෙබරවාරි 28 වැනිදා අමෙරිකානු සහ ඊශ්රායල ඒකාබද්ධ හමුදා ප්රහාරයකින් සිය පියා මියයාමෙන් පසු මොජ්ටාබා කමේනි උත්තරීතර නායක ධුරයට පත් විය.
එතැන් සිට ඔහු ප්රසිද්ධියේ පෙනී නොසිටි අතර ලිඛිත ප්රකාශ හරහා පමණක් සන්නිවේදනය කළ බව වාර්තා වේ. සිය පියා ඉලක්ක කර එල්ල වූ ප්රහාරයේදී මොජ්ටාබා කමේනි ද බරපතළ තුවාල ලබා ඇති බවත්, එම තුවාල හේතුවෙන් ඔහු සැඟවී සිටින බවත් වාර්තා පවසයි.
මේ අතර, අමෙරිකානු ජනාධිපති ඩොනල්ඩ් ට්රම්ප් ද ‘ෆොක්ස් නිවුස්’ නාලිකාව සමග පැවති සම්මුඛ සාකච්ඡාවකදී ප්රකාශ කර තිබුණේ ඉරාන නායකයා සියයට 90ක්ම අකර්මන්ය වී ඇති බවයි.
සෞදි අරාබියේ ‘අල්-හදත්’ පුවත් සේවය ද ඊශ්රායල ආරක්ෂක අංශ උපුටා දක්වමින් මීට පෙර වාර්තා කර තිබුණේ කමේනි මේ වන විට ඉරානය තුළ පවා නොමැති බවයි.
කෙසේ වෙතත්, ඉරාන රජයේ නිලධාරීන් මෙම වාර්තා දිගින් දිගටම ප්රතික්ෂේප කර තිබේ. ඉරාන සෞඛ්ය අමාත්යාංශය මීට පෙර ප්රකාශ කර තිබුණේ ඔහුගේ තුවාල සුළු මට්ටමේ ඒවා බවයි. ඔහු තවදුරටත් රටේ උපායමාර්ගික කටයුතු සහ මෙහෙයුම් සඳහා උපදෙස් ලබා දෙමින් සිටින බව ඉරාන බලධාරීන් අවධාරණය කරයි.
එහෙත් ඔහු ප්රසිද්ධියේ පෙනී නොසිටීම හේතුවෙන් ඔහුගේ සෞඛ්ය තත්ත්වය සහ නායකත්වයේ ස්ථාවරභාවය පිළිබඳව ජාත්යන්තරයේ පවතින සැකය තවදුරටත් වර්ධනය වී තිබේ.
