හිටපු ජනාධිපති මහින්ද රාජපක්ෂ මහතාගේ බිරිඳ වන ශිරන්ති රාජපක්ෂ මහත්මිය ගෙන් ප‍්‍රශ්ණ කිරීමට අල්ලස් හෝ දූෂණ චෝදනා විමර්ශන කොමිෂන් සභාවේ නිලධාරීන් කණ්ඩායමක් අද (07) පෙරවරුවේ කිරුළපන පිහිටි ඒ මහතාගේ නිවස වෙත ගොස් ඇතැයි වාර්තා වේ.
කාන්තා පොලිස් නිලධාරිනියන් ද ඇතුළත් අට දෙනෙකුගෙන් යුත් විශේෂ විමර්ශන නිලධාරීන් පිරිසක් මෙලෙස කිරුළපන පූර්වාරාම පාරේ පිහිටි හිටපු ජනාධිපතිවරයාගේ නිවසට පැමිණ ඇති බව ආරංචි මාර්ග සඳහන් කරයි.
මූල්‍ය අපරාධ විමර්ශන කොට්ඨාසය මගින් ශිරන්ති රාජපක්ෂ මහත්මියට ලබන 16 වැනිදා එහි පෙනී සිටින ලෙස දැනුම් දී තිබූ පසුබිමක මෙම වැටලීම සිදුවීම විශේෂත්වයකි.
එමෙන්ම, තමන්ව අත්අඩංගුවට ගැනීම වළක්වන ලෙස ඉල්ලා ඇය විසින් ඉදිරිපත් කර තිබූ අපේක්ෂිත ඇප අයදුම්පත ලබන 13 වැනිදා සලකා බැලීමට නියමිතව තිබූ අතර, ඒ සම්බන්ධයෙන් අධිකරණය හමුවේ කරුණු දක්වන ලෙස අධ්‍යක්ෂවරයාට ලබන 12 වැනිදාට නියෝග කර තිබියදී අල්ලස් කොමිසම විසින් මෙම ක්‍රියාමාර්ගය ගෙන ඇති බව වාර්තා වේ.
මේ පුවත තව අයට බලන්න
