එම පක්ෂයේ ප්රධාන ලේකම් උපුල් ගමගේ මහතා විසින් ඉදිරිපත් කරන ලද මෙම පැමිණිල්ල සමඟ කතානායකවරයාගේ දූෂණ ක්රියාවලට අදාළ ලිඛිත සාක්ෂි 10ක් ද කොමිසම වෙත භාර දී තිබේ.
කතානායකවරයාට එරෙහිව ඉදිරිපත් කර ඇති චෝදනා අතර නිල නිවාස අවභාවිතය, ඉන්ධන කෝටාව ඉක්මවා ලබා ගැනීම සහ රජයේ දේපළ පෞද්ගලික පරිහරණයට ගැනීම යන කරුණු ප්රධාන වේ.
විශේෂයෙන්ම, කතානායකවරයාට හිමි නිල නිවසට අමතරව වෙනත් නිවසක් භාවිතා කිරීම, එහි පෞද්ගලික කාර්ය මණ්ඩලයක් රඳවා තැබීම සහ නිල නිවසේ තිබූ ගෘහ භාණ්ඩ හා උපකරණ සිය පෞද්ගලික නිවස වෙත රැගෙන යාම සම්බන්ධයෙන් සාක්ෂි ඉදිරිපත් කර ඇති බව ගම්මන්පිල මහතා සඳහන් කළේය.
මෙම දූෂණ චෝදනා පිළිබඳව මීට මාස කිහිපයකට පෙර පාර්ලිමේන්තුවේ කාර්ය මණ්ඩල ප්රධානී චමින්ද කුලරත්න මහතා විසින් ද කරුණු අනාවරණය කර තිබූ බවත්, ඒ පිළිබඳව මෙතෙක් කිසිදු විධිමත් පියවරක් ගෙන ඇති බවක් මාධ්ය මගින් වාර්තා නොවූ බවත් පිවිතුරු හෙළ උරුමය පෙන්වා දෙයි.
පැමිණිල්ල ඉදිරිපත් කිරීමෙන් අනතුරුව මාධ්ය වෙත අදහස් දැක්වූ උපුල් ගමගේ මහතා මෙසේ පැවසීය.
“අල්ලස් කොමිසමේ අධ්යක්ෂ ජනරාල් රංග දිසානායක මහතා නිතරම පවසන්නේ මෙය ස්වාධීන ආයතනයක් බවයි. රටේ තුන්වන පුරවැසියා වන කතානායකවරයාට එරෙහිව අප ඉදිරිපත් කළ මෙම සාක්ෂි මත පදනම්ව කොමිසම ක්රියා කරන ආකාරය අනුව එහි ස්වාධීනත්වය රටටම දැකගත හැකි වනු ඇත. මෙය රජයට එරෙහි සටනක් නොව, දූෂණයට එරෙහිව අප පක්ෂය ගන්නා වගකීම් සහගත පියවරක්.”
කතානායකවරයා විසින් පාර්ලිමේන්තු මන්ත්රීවරයෙකු ලෙස හිමි ඉන්ධන කෝටාවට අමතරව වැඩිපුර ඉන්ධන ලබා ගැනීම සම්බන්ධයෙන් ද මෙහිදී විශේෂ අවධානයක් යොමු කර තිබේ.
