විනිසුරුවරුන්ගේ විශ්රාම යන වයස දීර්ඝ කිරීම සම්බන්ධයෙන් පවතින ගැටලුකාරී තත්ත්වය පිළිබඳව සිය දැඩි අවධානය යොමු කරමින් ත්රෛනිකායික මහානායක ස්වාමීන් වහන්සේලා ජනාධිපති අනුර කුමාර දිසානායක මහතා වෙත විශේෂ ලිපියක් යොමු කර ඇති බව මල්වතු පාර්ශවයේ මහානායක අතිපූජ්ය තිබ්බටුවාවේ ශ්රී සිද්ධාර්ථ සුමංගල නාහිමියෝ ප්රකාශ කරති.
මහනුවරදී අද තමන් වහන්සේ හමුවීමට පැමිණි ‘නිදහස් නීතිඥයෝ’ සහ ‘දිනන දකුණ’ යන සිවිල් සංවිධානවල නියෝජිත පිරිසක් සමග සාකච්ඡා කරමින් උන්වහන්සේ මේ බව අනාවරණය කළහ.
“අපි ලිපියක් යැව්වා..ඒකට මොකක් වුණාද දන්නෑ” යයිද නාහිමියෝ පැවසූහ.
විනිසුරුවරුන්ගේ විශ්රාම වයස වැඩිකිරීම සම්බන්ධයෙන් මහානායක හිමිවරුන් සිය කනස්සල්ල ජනාධිපතිවරයා වෙත ලිඛිතව දැනුම් දී ඇති බව මෙහිදී සඳහන් විය.
නීති පද්ධතියේ පවතින අඩුපාඩු සහ ව්යවස්ථාපිත ගැටලු පිළිබඳව සිවිල් සංවිධාන සිදුකරන මැදිහත්වීම් අගය කරන බව ද මහානායක හිමියන් මෙහිදී පවසා ඇත.
මෙම හමුවට එක්වූ නියෝජිත පිරිස සඳහන් කළේ, රටේ අධිකරණ පද්ධතියේ ස්වාධීනත්වය සහ නීතියේ ආධිපත්යය සුරැකීම වෙනුවෙන් මහානායක හිමිවරුන් දක්වන මෙම උනන්දුව ඉතා වැදගත් වන බවයි.
