සාක්ෂිකාර සුමතිපාල සුරේෂ් කුමාර් 2009 වසරේ සිට 2013 දක්වා කාලය තුළ ගිරිතලේ යුද හමුදා බුද්ධි බලකා කඳවුරේ රඳවා සිටි බවට ඔහු සාක්ෂි ලබා දුන් අතර, එසේ රඳවා තබාගෙන සිටියදී පළමු චුදිතගේ සිට සිවුවැනි චුදිත දක්වා වූ පිරිස සහ තවත් අය එම කඳවුරේ සිටි බව ද පසුගියදා ඔහු සඳහන් කළේය.
මාධ්යවේදී ප්රගීත් එක්නැලිගොඩ 2009 අගෝස්තු 27 වැනිදා පැහැරගෙන යාම සම්බන්ධයෙන් චුදිතයන් හත් දෙනකුට එරෙහිව නීතිපතිවරයා හෝමාගම මහාධිකරණයේ අධිචෝදනා ගොනු කර තිබේ. එක්නැලිගොඩ 2009 අගෝස්තු 27 වැනිදා පැහැරගෙන ගොස් අතරමග දමා ගොස් තිබුණු අතර, ඉන්පසු 2010 ජනවාරි 24 වැනිදා පැහැරගෙන ගොස් අතුරුදන් කර තිබිණි. 2010 ජනවාරි 24 වැනිදා එක්නැලිගොඩ පැහැරගෙන ගොස් අතුරුදන්කිරීම ගැන කොළඹ ත්රිපුද්ගල මහාධිකරණයක නඩුව විභාගය සිදු වෙයි.
තමන් ගිරිතලේ කඳවුරේ රඳවා තබාගෙන සිටියදී හමුදා නිලධාරීන් දුරකතනයක් ලබාදී ඔවුන් ලබාදෙන අංකවලට ඇමතුම් ගැනීමට උපදෙස් දෙන බවත්, එම ඇමතුම් ගත් අය අතර විදෙස් රටවල සිටින අය ද සිටින බවයි.
මේ පුවත තව අයට බලන්න
