අල්ලස් හෝ දූෂණ චෝදනා විමර්ශන කොමිෂන් සභාවේ නිලධාරීන් සහ සැකකරු වෙනුවෙන් පෙනී සිටි නීතිඥ හරිත් හෙට්ටිආරච්චි මහතා ඉදිරිපත් කළ කරුණු සලකා බැලීමෙන් අනතුරුව මහේස්ත්රාත්වරයා විසින් මෙම නියෝගය නිකුත් කරන ලදී.
නඩු විභාගයේදී අල්ලස් කොමිසමේ නිලධාරීන් අධිකරණය හමුවේ කරුණු දක්වමින් පහත තොරතුරු තහවුරු කළේය.
ව්යාජ තනතුර සහ වැටුප් ලබා ගැනීම:
2022 වසරේ ජනාධිපති ජ්යෙෂ්ඨ උපදේශක (විමධ්යගත හා පරිපාලන) ලෙස පත් වූ අකිල විරාජ් කාරියවසම් මහතාගේ ඉල්ලීම මත මෙම සැකකරු ජනාධිපති ලේකම් කාර්යාලයේ තාවකාලික කළමනාකරණ සහකාරවරයෙකු ලෙස බඳවාගෙන ඇත.
ජනාධිපති ලේකම් කාර්යාලයට නොපැමිණීම:
2024 පෙබරවාරි 01 සිට 2024 සැප්තැම්බර් 22 දක්වා කාලය තුළ ඔහු ජනාධිපති ලේකම් කාර්යාලයේ ඇඟිලි සලකුණු තැබීම හෝ ලේඛනවලට අත්සන් තැබීම සිදු කර නැති අතර, ජනාධිපති ලේකම් කාර්යාලයෙන් වැටුප් ලබා ගනිමින් සේවය කර ඇත්තේ කුලියාපිටියේ පිහිටි අකිල විරාජ් මහතාගේ ඉන්ධන හලේය.
දුරකතන සංවාද සහ බැංකු තැන්පතු: ප්රකාශ සටහන් කර ගැනීමේ දිවා විවේක කාල සීමාවේදී සැකකරු විසින් අකිල විරාජ් කාරියවසම් මහතා වෙත දුරකතන ඇමතුම් 5ක් ලබාගෙන ඇති බව තහවුරු වී ඇත. එමෙන්ම, අදාළ කාලය තුළ ඔහු අවස්ථා 24කදී ඉන්ධන හලේ මුදල් බැංකුගත කර තිබේ.
පරස්පර දිවුරුම් ප්රකාශ: සැකකරු පසුව ඉදිරිපත් කළ දිවුරුම් ප්රකාශය මුල් ප්රකාශයට සම්පූර්ණයෙන්ම පරස්පර වන අතර, එම දිවුරුම් ප්රකාශය සිරිකොතේ සම්බන්ධීකරණ නිලධාරියෙකු විසින් සකස් කර ඇති බවට කරුණු අනාවරණය වී ඇත.
සැකකරු වෙනුවෙන් පෙනී සිටි නීතිඥ හරිත් හෙට්ටිආරච්චි මහතා අධිකරණය හමුවේ කරුණු දක්වමින් කියා සිටියේ, අල්ලස් කොමිසම මුල් ප්රකාශය සටහන් කර ගැනීමේදී වැදගත් කරුණු ඇතුළත් කර ගැනීමට ඉඩ නොදුන් බවයි.
“සැකකරුගේ බිරිඳ පසුගියදා දරුවෙකු ප්රසූත කළ අතර එම දරුවා මියගියා. ඒ නිසා සැකකරු දැඩි මානසික කම්පනයකින් පසුවෙනවා. මෙම විමර්ශනය සැකකරු රක්ෂිත බන්ධනාගාරගත නොකර සිදු කළ හැකි එකක්.”
— නීතිඥ හරිත් හෙට්ටිආරච්චි
අධිකරණයේ තීන්දුව
ඉදිරිපත් වූ සියලු කරුණු සලකා බැලූ කොළඹ අතිරේක මහේස්ත්රාත්වරයා සඳහන් කළේ, සැකකරු විසින් ලබා දුන් ප්රකාශයන්හි පරස්පරතා පැවතීම සහ විමර්ශන අතරතුර හිටපු අමාත්යවරයා සමග දුරකතන ඇමතුම් හුවමාරු වී තිබීම හේතුවෙන් ඇප ලබා දුනහොත් සාක්ෂිවලට බාධා විය හැකි බවයි. ඒ අනුව ඇප ඉල්ලීම ප්රතික්ෂේප කරමින් සැකකරු අගෝස්තු 18 වන දා දක්වා රක්ෂිත බන්ධනාගාරගත කිරීමට නියෝග කෙරිණි.
