ජනාධිපති ධුර අපේක්ෂක විපක්ෂ නායක සජිත් ප්‍රේමදාසගේ ජයග්‍රහණය වෙනුවෙන් මැදවච්චිය ආසනයේ කිරිගල්ලෑව කොට්ඨාසයේ ස්ථාපිත කර තිබූ සමගි ජන බලවේගයේ පක්ෂ කාර්යාලයකට යම්කිසි පිරිසක් විසින් පෙරේදා (01 වැනිදා) අසූචි ප්‍රහාරයක් එල්ල කර තිබේ.
එම ක්‍රියාව ජනතා විමුක්ති පෙරමුණේ මැර කණ්ඩායම් විසින් සිදු කර ඇති බවත් ජනතා විමුක්ති පෙරමුණ පරණ කණ්ඩායම් ඔවුන්ගේ පරාජය දරා ගැනීමට නොහැකිව නැවත සක්‍රීය වෙමින් ජනතාව බියට පත් කිරීමට කටයුතු කරමින් සිටින බවත් එම ස්ථානයට පැමිණ තම පාක්ෂිකයන් හමු වූ සමගිජන බලවේගයේ ආසන සංවිධායක පාර්ලිමේන්තු මන්ත්‍රි රෝහණ බණ්ඩාර ප්‍රකාශ කළේය.
