රාත්රී කාලය හේතුවෙන් යැයි පවසමින් එක් ඡායාපිටපතක් (Photocopy) ලබාගැනීම සඳහා රුපියල් 850 ක අසාධාරණ මුදලක් අය කළ පුත්තලම දිස්ත්රික්කයේ පිහිටි වෙළෙඳසලක් පාරිභෝගික කටයුතු පිළිබඳ අධිකාරියේ විමර්ශන නිලධාරීන් විසින් හදිසි වැටලීමකට ලක් කර තිබේ.
මෙම අසාධාරණ අයකිරීමට මුහුණ දුන් තරුණයෙකු විසින් අදාළ සිදුවීම වීඩියෝ ගත කර සමාජ මාධ්ය වෙත මුදාහැර තිබූ අතර, එය සමාජ මාධ්ය ජාල ඔස්සේ දැඩි අවධානයට හා කතාබහට ලක්විය.
එම සිදුවීම පිළිබඳ වහාම ක්රියාත්මක වූ පාරිභෝගික කටයුතු පිළිබඳ අධිකාරියේ විමර්ශන නිලධාරීන්, අදාළ වෙළෙඳසල පරික්ෂා කර එහිදී පාරිභෝගික නීති උල්ලංඝනය කිරීම සම්බන්ධයෙන් අවශ්ය නීතිමය සාක්ෂි සිය භාරයට ගෙන ඇත.
ඒ අනුව, අදාළ වෙළෙඳසල් හිමිකරුට එරෙහිව ඉදිරි දිනවලදී අධිකරණය හමුවේ නඩු පැවරීමට අවශ්ය නීතිමය කටයුතු සූදානම් කරමින් පවතින බව එම අධිකාරිය සඳහන් කරයි.
පාරිභෝගික ජනතාව නොමඟ යවන හෝ සූරාකෑමට ලක් කරන වෙළෙඳසල් සහ ව්යාපාරික ස්ථාන සම්බන්ධයෙන් නිරන්තර අවධානයෙන් පසුවන බව අවධාරණය කරන පාරිභෝගික කටයුතු පිළිබඳ අධිකාරිය, මෙවැනි අසාධාරණ මිල අය කිරීම් හෝ අක්රමිකතා පිළිබඳව කාර්යාල වේලාවන් තුළ ‘1977’ කෙටි දුරකථන අංකය ඔස්සේ තොරතුරු ලබාදෙන ලෙස මහජනතාවගෙන් ඉල්ලා සිටී.
