පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරි නීතිඥ නිහාල් තල්දූව නියෝජ්‍ය පොලිස්පතිවරයෙකු ලෙස පත් කර තිබේ.
නියෝජ්‍ය පොලිස්පති නිහාල් තල්දූව ගාල්ල රිච්මන්ඩ් විද්‍යාලයේ ඉගෙනුම ලබා ඇති අතර, ශ්‍රී ජයවර්ධනපුර විශ්වවිද්‍යාලයේ වාණිජ විද්‍යා විශේෂ උපාධිය ලබා භූගෝලීය තොරතුරු පද්ධති හා දූරස්ථ සංවේදය පිළිබඳ විද්‍යාපති උපාධිය හිමි කරගෙන ඇත.
එමෙන් ම, ශ්‍රී ලංකා නීති විද්‍යාලයෙන් ඉගෙනුම ලබා ශ්‍රේෂ්ඨාධිකරණයේ නීතිඥවරයෙකු ලෙස දිවුරුම් දී තිබේ.
ඔහු 1992.08.02 වන දා පොලිස් සේවයට බැඳී ඇති අතර 1999.08.13 වන දා පොලිස් පරීක්ෂක නිලයට උසස්වීම් ලබා ඇත.
2021.03.19 වන දා පොලිස් මාධ්‍ය කොට්ඨාසයේ අධ්‍යක්ෂ ලෙස පත්වූ ඔහු, 2021.08.16 වන දා පොලිස් මාධ්‍ය ප්‍රකාශක ධූරය භාර ගත්තේ ය.
