ජනප්රිය අමතර පන්ති (Tuition) ගුරුවරයෙකුගේ නම ඉදිරියට දමාගනිමින් සිදුකර ඇති මෙම කෝටි ගණනක දේපළ මිලදී ගැනීම් පිළිබඳ තොරතුරු මේ වන විට රට හමුවේ හෙළිදරව් වී ඇත.
දඹුල්ලේ කෝටි 10ක අඹ වගාව සහ මාවරමණ්ඩියේ කෝටි 15ක මන්දිරය
මධ්යම අපරාධ විමර්ශන කාර්යාංශය විසින් සිදුකළ විශේෂ විමර්ශනයකදී අනාවරණය වී ඇත්තේ දඹුල්ල නගරයට ආසන්නව පිහිටි රුපියල් කෝටි 25කට අධික වටිනාකමකින් යුත් දේපළ රැසක් අදාළ ගුරුවරයාගේ සහ තවත් පුද්ගලයෙකුගේ නමින් මිලදී ගෙන ඇති බවයි.
අඹ වගා කළ ඉඩම් 3ක්: දඹුල්ලෙන්
රුපියල් කෝටි 10කට අධික මුදලක් වැයකර අඹ වගා කළ ඉඩම් තුනක් සහ එහි පිහිටි සුපිරි නිවසක් සොයාගෙන ඇත. මාවරමණ්ඩියේ සුපිරි නිවස: මාවරමණ්ඩිය ප්රදේශයෙන් සොයාගත් රුපියල් කෝටි 15කට අධික වටිනාකමකින් යුත් මන්දිරය අදාළ උපකාරක පන්ති ගුරුවරයාගේ නමින් මිලදී ගෙන ඇති අතර, එහි දැනට පදිංචිව සිටින්නේ එම ගුරුවරයාගේ මව බවද හෙළිව තිබේ.
රට හැර ගිය උපකාරක පන්ති ගුරුවරයා
සංවිධානාත්මක මත්ද්රව්ය ජාවාරම්කරු ශිරාන් බාසික් සමඟ ඉතා සමීප සබඳතාවක් පැවැත්වූ බව කියන මෙම අමතර පන්ති ගුරුවරයා මේ වන විට විදේශගතව සිටින බව පොලිසිය පවසයි. ඔහු නැවත ශ්රී ලංකාවට පැමිණි වහාම අත්අඩංගුවට ගෙන ප්රශ්න කිරීමට නියමිත අතර, මොවුන්ගේ නමින් ඇති තවත් දේපළ රැසක් පිළිබඳව දැනටමත් පුළුල් විමර්ශන ක්රියාත්මක වේ.
ඩුබායි රාජ්යයෙන් පිටුවහල් කිරීමෙන් පසු ලංකාවට පැමිණි ශිරාන් බාසික් දැනට පොලිස් රඳවාගැනීම් නියෝග මත දැඩි ලෙස ප්රශ්න කිරීමට ලක්ව සිටී.
මේ පුවත තව අයට බලන්න
